دعوة للحوار من أجل الفهم والعمل

السلام عليكم ورحمة الله وبركاته
أهلا بكم في منتداكم برجاء التسجيل والاستفادة من المنتدى
وتقبل مشاركتكم الايجابية

منتدى اجتماعي علمي ثقافي ديني


    موضوعمدام ابتسام

    شاطر

    عبد الله الضاحك

    المساهمات : 3259
    تاريخ التسجيل : 25/08/2010

    موضوعمدام ابتسام

    مُساهمة  عبد الله الضاحك في الإثنين يونيو 15, 2015 12:50 am

    مين دي مدام ابتسام
    مدام إبتسام .. عايشة في " قطر " من 20 سنة بتشتغل مدرسة ثانوي .. بتحب جدا سيادة المشير الزعيم الخالد إللي أنقذ مصر من الخراب ؛ وبتحب قوي من وقت للتاني تكتبلنا جملة " أبدا لن تسقط مصر أيها الخونة " .. واضح إنها بتحب مصر قوي .. بس مبتقدرش تقعد فيها أكتر من شهر في الأجازة .. وفي الشهر دة تفضل تحكي لأحلام وسمية بنات خالاتها عن جمال قطر ونضافتها .. وإن مصر بقت تخنق وزبالة والشحاتين في كل مكان وتشتكي من الزحمة وإرتفاع الأسعار والمستشفيات الزباله وقطع الكهرباء.

    بس مش مشكلة .. مصر مينفعهاش غير واحد عسكري علشان المؤامرة إللي بيسموها ثورة دي .. إللي كانت هتسقط البلد الجميل المنظم دة.

    بتنزل المسيرة تحتفل بالعيد الوطني القطري كل سنة رغم إنها عارفة إن قطر دي متخابرة مع الإخوان زي ما فهمها الأستاذ أحمد موسى .. بس قشطات بقى أكل العيش وكدة ؛ وعلى أي حال دة مبيمنعهاش كل شوية تيجي تكومنت عند أي حد بينتقد السيسي وتقوله " إنت متستاهلش تكون مصري .. لو مش عاجباك سيبها وأمشي " أو تقول الجملة الخالدة " ايوا هوا كدة عاجبنا السيسي بالعند فيكوا يا خونة "

    بنت اللذينا شاربة من السيسي كل هرمونات " كيد النسا "

    بتربطها بمصر علاقة وثيقة جدا.. بس لما الإدارة التعليمية قررت إنهاء خدمات المدرسين إللي في الخدمة من أكتر من 15 سنة .. راحت لأبو مشعل وإتكلمت معاه وإتشحتفت علشان يجددلها العقد سنتين كمان ؛ أصلها هتنزل مصر تعمل إية وهتلاقي شغل فين .. بس الحقيقة هيا كانت مواكبة للحدث و غيرت صورة البروفايل وحطت صورة المؤتمر الإقتصادي إللي هينقل مصر نقلة تانية خالص خلال سنتين.

    بمناسبة الإقتصاد .. لما بتحب تحول قسط الشقة إللي إشترتها في التجمع .. بتتصل كل يوم على مكتب الصرافة تستفسر على سعر الجنية .. وأول ما بتلاقي سعر الجنية نزل .. بتحول الفلوس فورا علشان تسفيد من فرق العملة وكدة ... مش بقولكوا بتحب مصر قوي
    smile emoticon

    نزلت الفايبر على موبايلها علشان تتكلم بقى مع أهلها براحتها .. أصل الاجازة الجاية مهمة جدا .. بتدور على واسطة علشان نفسها تشوف " عبدالله " ابنها الكبير وكيل نيابة .. قررت تكسر الوديعة إللي ب 100 ألف جنية إللي كانت عاملاها بإسمه .. وهتدفعها للواء في الجيش بيعمل الحاجات دي عالضيق كدة ؛ أصل من ساعة ما رجالة الحزب الوطني مشيوا والجيش ماسك مقاولة الكليات العسكرية والنيابة .. بتدعي ربنا يكرمها بس في لواء إبن حلال ويوفي بكلمته ومياكلش عليها الفلوس.

    نفسها تشوفه وكيل نيابة قد الدنيا ويركب عربية سكودا سودة متفيمه من غير نمر .. ويرزع العيال إللي بتتظاهر دي إعدامات .. مظاهرات إية وقرف إية .. أهم حاجة هيبة الدولة وإحترام القانون.

    تعليق :
    ملخص موضوع مدام ابتسام في: بتدور على واسطة علشان نفسها تشوف " عبدالله " ابنها الكبير وكيل نيابة
    ممكن تبيع وطنيتها عشان كده
    ممكن ابتسام تسمح لاسرائيل ان تحكم مصر ( علانية )
    وليس ( سرا كما يحدث الآن عبر الهاشتاج )
    مقابل ابنها الننوس يبقى وكيل نيابة
    تخيلوا مصر
    فيها كام مليون عائلة ابنائها يعملون في المؤسسة العسكرية والداخلية والقضائية وكل دول مرتبطين ( لاشرعي ) ببعضهم
    وكلهم ممكن يعبدوا اي شيء فيه مصالحهم ولتذهب مصلحة مصر للجحيم طالما لدي المال والسلطة والرفاهية
    لماذا اتعب نفسي من اجل مصر
    وطني هو مصلحتي هكذا يؤمن اتباع الهاشتاج
    اما عن الحساب فهم يفعلون كل شيء ضد حكم الله
    ويقولون نحن احباء الله
    ( هل اتخذوا من الله عهدا ؟ ) قل فلم يعذبكم بذنوبكم \بَلْ أَنْتُمْ بَشَرٌ مِمَّنْ خَلَقَ ۚ يغفر لمن يشاء ويعذب من يشاء
    هل الرضا بالظلم وكراهية المسلمين والرضا بقتلهم دون ذنب تحت احكام كاذبة كافية لتكونوا احباء الله

    عبد الله الضاحك

    المساهمات : 3259
    تاريخ التسجيل : 25/08/2010

    رد: موضوعمدام ابتسام

    مُساهمة  عبد الله الضاحك في الإثنين يونيو 15, 2015 1:21 am


      الوقت/التاريخ الآن هو الأحد ديسمبر 17, 2017 5:50 pm